Viño albariño · Vedra
Lixeles
Unha landing que conta o viño dende a viña: onde nace, como se elabora e como é.
Visitar lixeles.com
O punto de partida
Que se necesitaba.
Lixeles é un albariño da Ribeira do Ulla, da familia González Carreira, nacido en 2020. Un viño pequeno gaña polo que conta: a orixe, a familia e o xeito de facelo. A web debía transmitir iso e facilitar que probasen o viño ou o pedisen.
Que se fixo e por que
- 01
Cabeceira co viñedo e unha onda azul do río Ulla, co nome en grande
O viño sabe a lugar. Abrir coa viña e o río sitúa a quen visita antes de ler unha soa palabra.
- 02
Orixe e elaboración en catro pasos: viñedo, emparrado, maceración e crianza sobre lías
Quen compra viño de pequena produción busca a historia. Contala paso a paso, con datos curtos (2020, 2 ha, 160 m, 100 % albariño), é máis crible que un texto longo.
- 03
Ficha do viño: variedade, graduación, cor, boca, crianza, temperatura e maridaxe
É a información que busca un hostaleiro ou un cliente para decidir. Ter a ficha na web evita enviar un PDF cada vez.
- 04
Premios, galería da viña e contacto directo para probar, pedir ou levalo ao restaurante
O obxectivo é vender e que o coñezan. Un contacto sinxelo, con teléfono e correo, funciona mellor que unha tenda en liña para unha produción tan pequena.
- 05
Datos estruturados de adega e produto, e aviso de consumo responsable
Axudan a que os buscadores entendan a web, e o aviso cumpre a obriga legal de non vender a menores.
Nunha ollada
- Contacto por teléfono e correo
- Datos estruturados (Winery e Product)
- Analítica só con consentimento